Transcription
1
Monsieur sen alant le sieur des Vignalx à Paris, il
2
nest volu partir sans ressevoyr vous conmendemens.
3
Je luy ay balhé pour satisfère ce qui faloyt pour fère
4
la somme des cent quatre vingtz francz ; et sy trovés
5
bon descripre pour luy pour fère fornir encores à monsieur
6
Besson cent franzs, oultre les neuf vingtz sodeynement
7
que vous men avés donné advis, je les vous anvoyrey
8
car jay sy grant peur quil ne trove escuse pour
9
ne fère ce quil doibt à mes enfens que je l’y veulx
10
ouster tous moyens de mescontentement et sous le
11tems hou nous sommes qui est asés mal asseuré, je [barré : les ] luy
12
heusse par ledit sieur des Vignalx anvoyés. Celon que vous
13
me comandrés, je y satisferey. Ce pandent, je vous direy
14
Monsieur que jay resseu la votre du XXVe du passé
15
et veu quadvés anvoyé au sieur de Champolieu pour voyr
16
si chieus luy les cappitaines Colombin et Bernard y advoyent
17
passé aveques troppes comme lons vous advoyt dit ; et pource
18
que, par sa responce, vous avés antandu ce quil en est, je ne
19
vous en diray aultre chose. Monsieur de Guarguas fut avantier
20
yssy et aveques luy Monsieur de Furmeyer, lequel me dit quil
21
estoyt alé à Vanton pour vous ouster et aux aultres loppinion
22
qui lons porroyt prandre des assemblées que lons dit estre
23
faicte en Chanssaur, combien quil nen lache rien et que le
24
mieulx quil peult fère pour ouster toute soupesson pour son
25
regard cest se retirer ors de ceulx de la religion et auprès
26
[v°] des perssonnes signalées qui respondront de ses actions
27
totesfoys quil houbeyra à tout ce que par vous luy sera commandé
28
daussy affectionée volonté que serviteur que vous arés jamais,
29
vous suppliant le tenir pour tel, comme je foys ne meslogner
30
de votre bonne grace priant Notre Seigneur vous doner
31
Monsieur en parfaicte prosperité très heureuse et
32
très bonne vie et longue. De Rousset ce Ve doctobre 1572
33
Votre très humble serviteur
34
Rousset